Pubblicau finzasa immoi: Bellu contu,
Parole con esti una rivista
de literatura elettronica.
Parole con acetada siada poesia, siada prosa.
Ma nou sceti custu.
Acetausu d'ogna cosa, basta chi siada iscritta in una de is linguas de origini
latina.
Si pointi mandai vinzasa dibuxiusu o immaginis, beinti acetadas totasa, senz'e
castiai sa lingua fueddada de su scritori, mancai fueddidi cinesu.
Cumenzausu
custu giuogu scetti pro prexei.
Su scopu de custa proposta esti de donai sa possibilidadi a chi scriri d'essi liggiu.
Disigiu de comunicai, de connosci e de si fai connosci, e disiggiu de fei sci' cussu chi
unu scidi fai.
Graziasa a Internet si poidi ottenni tottu custu, senza de ispendi mera dinai.
No olleusu fai nisciuna guerra, e nimancu si illudeusu de podi cambiai su mundu, ai giai!
Mancai iada a essi bellu a du podi migliorai, mancai fessidi u' paghixeddu.
Si olleus divertî e passai momentus bellus cun is fueddus e cun totu cussu chi si podi
fai in custu spaziu.
Parole
con esti una rivista po totus cussus chi dis prascidi a contai e a ascutai.
Ma no sceti.
Parole con esti po' sa genti curiosa
e si poidi fai sceti cun sa fantasia de custa genti.
Si asi iscritu unu poema, unu contu, unus fueddus, i t'apa praxi de dus fai liggi a
aterusu, innoi seusu, apettendi, fintz'a a candu tengas gana de du spediri a sa redatzioni
de sa revista.
Sa mitza de sa poesia en sardu no si siccada si genti cumenti a tui, cumenti a mimmi,
fadeus calincuna cosa po no da fai siccai!
Po participai a Parole
con deppisi tenni posta elettronica i cun cussu asa pori fueddai cun sa genti de
sa Revista i mandai is traballusu chi as fettu.
Innantis tratta de mandai una littera contendi cussu chi fais, cussu chi ti praxidi,
cumenti iscririsi, tottu cussu, po du nai, ca t'ara praxi chi sus lettorisi scianti de
tui.
No tengas suspettu, no es po dinai chi du feusu, no ti domandammu nudda i no ti pideus
nudda.
Asa a podi pubblicai tottu cussu chi as pubblicau mein Parole con puru a
atera parti, dogna borta c'asa a bolli.
No teneusu pretesa ca du fazzasa scetti cun nosus, no as a firmai nudda.
Ni mazina, ni ingannu :-)
Parole con esti, una cosa simplitzi, esti su logu laurau po' seminai is
fueddus de is poetas, de is iscritoris, de sa gente chi teni disiggiu de fai connosci
cussu chi asi iscrittu.
Unu logu obettu a tottusu cussu chi iscrinti.
Innoi seusu, aspettendi, po pubblicai tus fueddusu.
