politicheddus

Dariu Piga Paco de Lucía

Dedicato a Peppino

 

Caros amigos e amigas, finalmente su situ uffitziale www.paolofresu.it est in linia. Posca de unu diffitzile e longu tribagliu su situ como est su ‘ostru.
Si dae parte mia ap’a chircare de essere su pius possibile presente cun aggiornamentos periodicos, cun s’inserimentu de padzinas noas (ispero chi lestros amus a poder’aere cussas subra sas musicas de film e subra sas partiduras musicales de isgarrigare in formadu pdf) e cun una pius mareada setzione de goodies (ispecialmente cussa cun sos materiales ineditos sonados in cuntzertu) at a toccare a bois de contribuire, con sudzerimentos, reflissiones e criticas, a faghere creschere custu ‘ispatziu virtuale’ bene cundzepidu dae su web master Francesco Santucci cun sos pretziados contributos de Vic Albani e Luca Devito.
Ca in realtade su situ est pro ‘ois: pro totu sos chi sighin trumosos sos cuntzertos fatt’a su mundhu, pro cussos chi iscultan sas tantas produtziones discograficas e pro chie benit a Biddha, a Nugoro o a Siena pro intendhere, biere, vivere, apprendere e prunfundhire sa musica jazz.
Invito duncas totu sos amigos (artistas e atteros) a iscriere sos pensamentos ei sos sudzerimentos in su guestbook mentres cussos chi an’a cherrere prufundhire argumentos pius ispetzificos an’a podere partetzipare a sas allegadas cun su mesu de su forum collettivu.
Dae parte mia, tra un’aereo e unu trenu, tra una proa de sonu e unu cuntzertu, m’ap’abbingare pro essere su pius presente possibile e de contribuire a su chi eo intendho coment’e a unu diariu personale.
Ringratzio totu sos chi ant contribuidu cun materiale e atteru a sa costrutzione de custu situ: dae su pretzedente web master Thanitart, chi at sighidu sa versione 'etza a sos numerosos fotografos chi ant postu a dispositzione sas medzores fotografias insoro. Dae sos artista visivos chi ant pintadu sa cara mia o chi ant tracciadu cun unu lapis o cun unu pindzellu sas positziones quasi fedales fenament’a sa numerosas domos discograficas mannas e minores, indipendentes o madzores, chi ant dadu s’assensu pro utilidzare curtzos estrattos de sos materiales chi ant in sos catalogos.
Dae sos collegas chi ant permissu de impittare musicas fattas umpare in cundzertu passende pro Alex Pinna chi at ‘tzircumnavigadu’ (isse puru est sardu che a mie…) cun s’aggiudu de unu tridzile lapis digitale, sas miradas tramunendhelas in musica e in unu mare de notas e colores.
Dedico puru custu situ a cussos chi creene in s’utopia e in sa musica intesa comente istrumentu de cominione e de dialugu. A chie si emotzionat ancora cun sa musica e a Sonia chi vidzilat sempre discreta e chi at bonos cunsidzos pro sos giustos momentos.

Paolo Fresu
Tallinn/Estonia
28 Aprile 2005